ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ສປຊ ວ່າ ມີອົບພະຍົບ ຊີເຣຍ ກາຍ 3 ລ້ານຄົນ ໄດ້ຫຼົບໜີ ສົງຄາມກາງເມືອງ (ສະໄລດ໌/ວີດີໂອ)


ອົບພະຍົບຊີເຣຍ ທີ່ຫລົບໜີການສູ້ລົບຢູ່ເມືອງ Arsal ເມື່ອບໍ່ດົນມານີ້ ພວມລໍຖ້າລົດບັນທຸກ ທີ່ເມືອງ Majdel Anjar ໃນເຂດຮ່ອມພູ Bekaa ໃກ້ໆຊາຍແດນເລບານອນ ຕິດກັບຊີເຣຍ (8 ສິງຫາ 2014)
ອົບພະຍົບຊີເຣຍ ທີ່ຫລົບໜີການສູ້ລົບຢູ່ເມືອງ Arsal ເມື່ອບໍ່ດົນມານີ້ ພວມລໍຖ້າລົດບັນທຸກ ທີ່ເມືອງ Majdel Anjar ໃນເຂດຮ່ອມພູ Bekaa ໃກ້ໆຊາຍແດນເລບານອນ ຕິດກັບຊີເຣຍ (8 ສິງຫາ 2014)

ອົງການສະຫະປະຊາຊາດກ່າວວ່າ ມີຫຼາຍກວ່າ 3 ລ້ານຄົນ
ແລ້ວ ໄດ້ຫລົບໜີສົງຄາມກາງເມືອງ ຢູ່ໃນຊີເຣຍ ໂດຍໄດ້ກໍ່
ໃຫ້ເກີດໃນອັນທີ່ເອີ້ນວ່າ ພາວະສຸກເສີນທາງດ້ານມະນຸດສະ
ທຳທີ່ໃຫຍ່ທີ່ສຸດ ໃນຍຸກສະໄໝຂອງພວກເຮົາ.

ໃນຖະແຫຼງການທີ່ນຳອອກເຜີຍແຜ່ໃນວັນສຸກມື້ນີ້ ອົງການ
ອົບພະຍົບຂອງສະຫະປະຊາຊາດ ກ່າວວ່າ ມີອົບພະຍົບ 1
ລ້ານຄົນ ໄດ້ຫຼົບໜີໃນປີກາຍນີ້ພຽງປີດຽວເທົ່ານັ້ນຈາກສະ
ພາບການອັນໜ້າຢ້ານກົວ ທີ່ຮ້າຍແຮງຂຶ້ນນຳນັບມື້ ຢູ່ໃນຊີ
ເຣຍ.

ຖະແຫຼງການເວົ້າຕື່ມວ່າ ໂຕເລກດັ່ງກ່າວນີ້ ບໍ່ໄດ້ຮວມເອົາຫຼາຍໆຮ້ອຍພັນຄົນ ທີ່ບໍ່ໄດ້ໄປ ຈົດທະບຽນເປັນອົບພະຍົບ. ຖະແຫຼງການກ່າວວ່າ ນອກນັ້ນ ຍັງມີຜູ້ປະສົບໄພສົງຄາມ ທີ່ ຕ້ອງໄດ້ຍົກຍ້າຍບ່ອນຢູ່ ຫຼືອົບພະຍົບພາຍໃນປະເທດຊີເຣຍເອງ 6 ລ້ານ 5 ແສນຄົນ.

ອົງການສະຫະປະຊາຊາດ ກະປະມານວ່າ ເວລານີ້ ເຄິ່ງນຶ່ງຂອງພົນລະເມືອງ ຊາວຊີເຣຍ ໄດ້ຖືກບັງຄັບ ໃຫ້ປະຖິ້ມບ້ານເຮືອນຂອງພວກເຂົາເຈົ້ານັບແຕ່ການສູ້ລົບກັນເລີ້ມຂຶ້ນໃນ ເດືອນມີນາປີ 2011. ເກືອບເຄິ່ງນຶ່ງຂອງຈຳນວນດັ່ງກ່າວ ແມ່ນເປັນພວກເດັກນ້ອຍ.

ພວກອົບພະຍົບສ່ວນໃຫຍ່ໄດ້ພາກັນຫລົບໜີໄປຍັງເລບານອນ ເທີກີຫຼືບໍ່ກໍຈໍແດັນບ່ອນທີ່ ອົງການສະຫະປະຊາຊາດກ່າວວ່າ ພວກເຂົາເຈົ້າໄດ້ໄປເຖິງໃນສະພາບ ທີ່ຕື່ນຕົກໃຈ ອິດ ເມື່ອຍໂຮຍແຮງ ຢ້ານກົວ ແລະເງິນຄຳກໍບໍ່ມີຕິດຕົວເລີຍ.

ຂ້າຫຼວງໃຫຍ່ໃນດ້ານອົບພະຍົບຂອງສະຫະປະຊາຊາດ ທ່ານ Antonio Guterres ກ່າວ
ວ່າ ໂລກຂອງເຮົາ ບໍ່ໄດ້ສະໜອງການຊ່ອຍເຫຼືອທີ່ຈຳເປັນຕ່າງໆ ຢ່າງພຽງພໍ ໃຫ້ແກ່ພວກ ອົບພະຍົບແລະກໍບໍ່ມີປະເທດຕ່າງໆຮັບເອົາພວກເຂົາເຈົ້າ. ອົງການສະຫະປະຊາຊາດເວົ້າ
ວ່າ ຕົນຕ້ອງການເງິນຕື່ມອີກ 2 ພັນລ້ານໂດລາ ພາຍໃນທ້າຍປີນີ້ ເພື່ອນຳໄປຊ່ອຍພວກ ທີ່ໄດ້ຮັບຜົນກະທົບ ຈາກບັນຫາຂັດແຍ້ງຢູ່ໃນຊີເຣຍ.

SYRIA REFUGEES VOSOT
please wait
Embed

No media source currently available

0:00 0:00:37 0:00

XS
SM
MD
LG