ຫົວໜ້າສະພາກາແດງ ກ່າວວ່າ ການແຜ່ລະບາດ ຂອງເຊື້ອ
ອີໂບລາ ທີ່ເຮັດໃຫ້ມີຜູ້ເສຍຊີວິດແລ້ວ ຫລາຍກວ່າ 4,500
ຄົນ ໃນອາຟຣິກກາຕາເວັນຕົກ ອາດຈະສາມາດຄວບຄຸມໄດ້
ໃນລະຫວ່່າງສີ່ ຫາຫົກເດືອນ ຖ້າຫາກວ່າປະຕິບັດຕາມ ບາດ
ກ້າວທີ່ຖືກຕ້ອງ.
ທ່ານ Elhadj As Sy ກ່າວຕໍ່ບັນດານັກຂ່າວ ໃນວັນພຸດມື້ນີ້ ຢູ່
ທີ່ປະເທດຈີນ ວ່າກຳນົດເວລາດັ່ງກ່າວ ແມ່ນເປັນໄປໄດ້ ໂດຍ
ການແຍກຜູ້ຕິດເຊື້ອອອກໄປຢູ່ ໂດດດ່ຽວ ແລະປິ່ນປົວບັນດາ
ກໍລະນີ ທີ່ຢືນຢັນວ່າໄດ້ຕິດເຊື້ອອີໂບລາແລ້ວນັ້ນ ພ້ອມທັງ
ການຝັງສົບທີ່ເໝາະສົມ ໃຫ້ແກ່ພວກທີ່ເສຍຊີວິດຍ້ອນຕິດ
ເຊື້ອໄວຣັສ.
ການໃຫ້ຄວາມເຫັນຂອງທ່ານມີຂຶ້ນໃນຂະນະທີ່ອົງການອະນາໄມໂລກ ຈັດກອງ ປະຊຸມ
ສຸກເສີນຄະນະກຳມະການຮັບມືກັບອີໂບລາ ເພື່ອຫາລາກັນກ່ຽວກັບການ ເຄື່ອນໄຫວ
ຫລ້າສຸດໃນການແຜ່ລະບາດ ແລະຈະທຳການປ່ຽນແປງຄຳແນະນຳ ຂອງຕົນທີ່ໃຫ້ໄປ
ແລ້ວນັ້ນຫຼືບໍ່.
ການໂອ້ລົມສົນທະນາຫາລືກັນນີ້ ຄາດວ່າຈະໃຊ້ເວລານຶ່ງຫາສອງມື້ ຫລັງຈາກນັ້ນ ທາງ
ອົງການອະນາໄມໂລກ ຈະລາຍງານໃຫ້ຊາບກ່ຽວກັບຜົນຂອງການປະ ຊຸມ.
ອົງການດັ່ງກ່າວຂອງສະຫະປະຊາຊາດກ່າວໃນວັນອັງຄານວານນີ້ວ່າ ຢາວັກຊີນ ທົດ
ລອງກັນອີໂບລາ ອາດຈະມີການນຳໃຊ້ ໃນເດືອນມັງກອນຈະມາເຖິງນີ້.
ຮອງຫົວໜ້າອົງການອະນາໄມໂລກ ດອກເຕີ Marie Paule Kieny ກ່າວວ່າ ຫ້ອງທົດ
ລອງນຳໃຊ້ຢາວັກຊີນກັນອີໂບລາ ກຳລັງດຳເນີນກັນຢູ່ ຫລືມີການວາງແຜນຢູ່ໃນຢູໂຣບ
ສະຫະລັດ ແລະອາຟຣິກາ. ທ່ານນາງ ກ່າວວ່າ ຖ້າຫາກພົບ ເຫັນວ່າຢາວັກຊີນນີ້ ມີ
ຄວາມປອດໄພແລ້ວ ມັນອາດຈະຖືກນຳໃຊ້ຢູ່ທີ່ອາຟຣິກາຕາເວັນຕົກ ໃນເດືອນມັງ
ກອນຈະມານີ້ ສຳລັບຫລາຍສິບພັນຄົນ.
