ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ມີກໍລະນີ ຕິດເຊື້ອ HIV/AIDS ເກີດຂື້ນໃໝ່ ໃນກຸ່ມຊາວໜຸ່ມໄທ (ຟັງລາຍງານເປັນພາສາອັງກິດຊ້າໆ)


ນາງ ສຳຣວຍ ອາຍຸ 35 ປີ ແມ່ຍິງໄທ ທີ່ປ່ວຍເປັນໂຣກ AIDS ໄລຍະສຸດທ້າຍ ນອນພັກຜ່ອນ ຢູ່ທີ່ ວັດພຣະບາດນຳ້ພູ ທີ່ລົບບູຣີ.
ນາງ ສຳຣວຍ ອາຍຸ 35 ປີ ແມ່ຍິງໄທ ທີ່ປ່ວຍເປັນໂຣກ AIDS ໄລຍະສຸດທ້າຍ ນອນພັກຜ່ອນ ຢູ່ທີ່ ວັດພຣະບາດນຳ້ພູ ທີ່ລົບບູຣີ.

ຊາວ​ໜຸ່ມ​ໄທ ກຳ​ລັງ​ປະ​ເຊີນ​ກັບ ການ​ເພີ້​ມ​ທະ​ວີ​ຂື້ນໃໝ່​ ​ໃນ
ການຕິດເຊື້ອ HIV ​ຊຶ່ງ​ເປັນ​ໄວ​ຮັ​ສ ທີ່ພາ​ໃຫ້​ເປັ​ນໂຣກ AIDS
ນັ້ນ. Steve Herman ນັກ​ຂ່າວວີ​ໂອ​ເອ ປະຈຳບາງກອກ
ລາຍ​ງານ​ວ່າ ບັນ​ດາ​ນັກ​ຄົ້ນ​ຄວ້າພາກັນກ່າວ​ວ່າ ເຂົາ​ເຈົ້າ​
ພົບ​ວ່າ ມີ​ຄວາມ​ຍາກ​ລຳ​ບ​າກ​ຫລາຍຂຶ້ນ ທີ່​ຈະ​ເຂົ້າ​ໄປ​ເຖິງ
ບັນ​ດາ​ປະ​ຊາ​ກອນທີ່​ມີ​ຄວາມ​ສ່ຽງ ພ້ອມ​ກັບ​ຂໍ້​ມູນ​ກ່ຽວ​ກັບ​
ການ​ຮ່ວມ​ເພດ​ທີ່​ປອດ​ໄພຂຶ້ນ ຊຶ່ງກິ່ງ​ສະ​ຫວັນ ຈະ​ນຳ​ເລື້ອງນີ້
​ມາ​ສ​ະ​ເໜີ​ທ່ານ.

ໃນ​ລາຍ​ງານ​ສະ​ບັບ​ນຶ່ງ​ທີ່​ນຳ​ອອກເຜີຍ​ແຜ່​ເມື່ອ ​ວັນ​ຈັນອາທິດ
​ແລ້ວ​ນີ້ ອົງ​ການກອງທຶນເດັກ​ຂອງສະ​ຫະ​ປະ​ຊາ​ຊາດ ຫລື
UNICEF ກ່າວ​ວ່າ 70 ເປີ​ເຊັນຂອງ​ກໍລະນີ​ຄົນຕິດເຊື້ອ HIV
ຜ່ານ​ການ​ຮ່ວມ​ເພດ ຢູ່​ໃນ​ປະ​ເ​ທດ​ໄທ​ນັ້ນ ​ແມ່ນເກີດ​ຂຶ້ນ​ໃນກຸ່ມ
​ຄົນ ​ອາຍຸລະຫວ່າງ 15 ຫາ 24 ປີ.

ລ​າຍ​ງານ​ສະບັບນີ້​ເວົ້າວ່າ ເຖີງ​ແມ່ນ​ວ່າ​ໄດ້ມີ​ການຄ່ອຍໆ​ຫລຸດ​ລົງ​ ​ໃນ​ການ​ແຜ່​ລາມໂດຍ
ລວ​ມຂອງເຊື້ອ HIV ຢູ່​ໃນ​ປະ​ເທດ ​ໃນ​ລະ​ຫວ່າງ​ສອງ​ທົດ​ສະ​ວັດ​ທີ່​ຜ່ານ​ມາກໍ​ຕາມ ການ
ຕິດເຊື້ອ​ HIV ໃໝ່​ກໍກຳ​ລັງທະ​ວີ​ຂື້ນ​ໃນ​ເວລາ​ນີ້ ໂດຍ​ສະ​ເພາະຢູ່​ໃນ​ກຸ່ມຊາວ​ໜຸ່ມທີ່​ພົວພັນ
​ກັບ​ການ​ຄ້າ​ປະ​ເວ​ນີ ການສັກ​ຢາ​ເສບ​ຕິດ ແລະໃນ​ກຸ່ມ​ຊາຍ​ໜຸ່ມທີ່​ຮ່ວມ​ເພດກັບ​ຜູ້ຊາຍນຳ
​ກັນ ​ໂດຍ​ບໍ່​ປ້ອງ​ກັນ.

​ບັນ​ດາ​ນັກ​ເຄື່ອນ​ໄຫວ​ດ້ານ​ອະນາໄມ​ ຢູ່​ໃນ​ປະ​ເທດ​ໄທ ​ໃຫ້​ຂໍ້​ສັງ​ເກດວ່າ ນຶ່ງ​ໃນ​ຫລາຍໆ
ການ​ທ້າ​ທາຍ​ໃນປັດ​ຈຸບັນ ຕໍ່ການ​ປ້ອງ​ກັນເຊື້ອ HIV ກໍຄື​ການ​ເຂົ້າ​ໄປ​ເຖິງ​ພວກ​ທີ່​ພົວພັນ
ກັບການ​ປະ​ພຶດ​ທີ່ມີ​ຄວາມສ່ຽງ​ສູງ.

ຟັງລາຍງານນີ້ ເປັນພາສາອັງກິດຊ້າໆ ເພື່ອຮຽນໄປພ້ອມ:

ຫົວ​ໜ້າ​ຝ່າຍເຊື້ອ​ HIV/AIDS ຢູ່​ໃນ​ປະ​ເທດ​ໄທ ຂອງ​ອົງ​ການ​ກອງທຶນເດັກ ທ່ານ Robert
Grass ອະພິ​ບາຍວ່າ ເມື່ອ 10-15 ປີ​ກ່ອນ​ນີ້ ມັນ​ເປັນ​ ການງ່າຍສົມຄວນ​ ທີ່​ຈະທຳ​ການ
ປຸກລະດົມ​ໃຫ້​ຜູ້ຄົນ​ຕື່ນ​ຕົວ ເຊັ່ນ​ວ່າ ​ດ້ວຍ​ການໄປໂອ້​ລົ​ມ​ຢູ່​ໃນບາພວກກະ​ເທີຍ ເຖິງຄວາມ
​ສຳ​ຄັນ​ຂອງ​ການ​ໃຊ້​ຖົງ​ຢາງ​ປ້ອງ​ກັນ.

​ທ່ານ Glass ກ່າວ​ວ່າ : “​ດ້ວຍ​ການ​ກຳເນີດຂອງສື່ສັງຄົມ ແລະ​ການ​ມີຫລາຍ​ໆວິ​ທີ​ທາງ​
ທີ່​ແຕກ​ຕ່າງ​ກັນ ໃນ​ການຕິດ​ຕໍ່​ສື່ສານ​ກັນ ຫລາຍໆ​ຄົນ​ຈຶ່ງບໍ່ຈຳ​ເປັນ​ໄປ​ຍັງທີ່ສາ​ທາ​ລະ​ນະ
​ເພື່ອ​ພົບ​ພໍ້​ກັບຄົນ​ອື່ນໆ ເພື່ອ​ຕິດ​ຕໍ່ຮ່ວມເພດກັນ. ເຂົ​າ​ເຈົ້າ​ສາ​ມາດ​ເຮັດ​ໄດ້ໂດຍຜ່ານ​ທາງ​
ໂທ​ລະ​ສັບ​ ຫລື​ຜ່ານ​ທາງ​ຄອມ​ພິວ​ເຕີ ແລະ​ເຂົ​າ​ເຈົ້າ​ສາ​ມາດພົບ​ພໍ້​ກັນ​ໃນ​ວິ​ທີ​ທາງ​ດັ່ງ​ກ່າວ.
ນອກ​ນັ້ນ​ແລ້ວ ຍັງມີຮອດແອັປ ໃນ​ໂທລະ​ສັບ​ມື​ຖື ທີ່ສະ​ແດງ​ໃຫ້​ເຫັນບ່ອນ​ທີ່​ພວກ​ຊາຍ​
ໜຸ່ມສາມາດ​ໄປຮ່ວມເພດ​ກັບ​ຜູ້​ຊາຍນຳ​ກັນ​ໄດ້ ບ່ອນທີ່​ມີ ຄົນທີ່ມີ​ຄວາມ​ມັກຄ້າຍ​ຄື​ກັນ.
​ແລະສະ​ນັ້ນ ເຂົ​າເຈົ້າກໍ​ແມ່ນສາ​ມາດຊອກ​ຫາບັນດາຄົນ​ເຫລົ່າ​ນີ້​ໄດ້ ຜ່ານ​ທາງ​ແອັປ ຢູ່
ໃນ ​iPhones ຂອງ​ເຂົາ​ເຈົ້າ.”

ບັນ​ດາ​ພະ​ນັກ​ງານອະນາ​ໄມ ກ່າວ​ວ່າ ພວກ​ຜູ້​ຍິງທີ່​ເຮັດ​ວຽກ​ຢູ່​ ຮ້ານອາບ​ອົບ​ນວດ ແລະ
ໂຮງໂສ​ເພ​ນີ ​ແມ່ນ​ເປັນ​ພວກ​ທີ່ໃຊ້​ວິທີການ​ປ້ອງ​ກັນ ເພາະ​ວ່າພວກ​ເຂົາ​ເຈົ້າມີ​ຄວາມ​ເຂົ້າ
​ໃຈດີກ່ວາ ເຖິງຄວາມ​ສຳ​ຄັນ​ໃນການ​ຫລີກ​ລ່ຽງ​ການ​ຕິດ ​ແປ​ດ​ແລະແຜ່​ຜາຍ​ເຊື້ອ HIV
ແລະກໍ​ພາກັນ​ປະ​ຕິ​ບັດວິທີ​ການ​ປ້ອງ​ກັນ.

​ເຖິງ​ຢ່າງ​ໃດ​ກໍ​ດີ ການ​ຄົ້ນຄວ້າ​ຂອງ UNICEF ພົບ​ວ່າພວກ​ແມ່ຍິງທີ່​ບໍ່​ແມ່ນ​ຄົນ​ໄທ ທີ່
​ເຮັດ​ວຽກ​ບໍລິການ​ທາງ​ເພດຢູ່​ໃນ​ປະ​ເທດ​ໄທ​ນັ້ນ ສ່ວນ​ຫລາຍ​ແມ່ນ​ບໍ່​ມີ​ໂອກາດ​ໄດ້​ຮັບ​
ການ​ບໍລິການ​ດ້ານ​ຮັກສາ​ສຸຂະພາບ ຫລື​ຂໍ້​ມູນ​ທີ່​ຈຳ​ເປັນ​ກ່ຽວ​ກັບ​ວິທີ​ປ້ອງ​ກັນ​ການ​ຕິດ
ເຊື້ອ HIV ​ແນວ​ໃດ​ນັ້ນ.

​ທ່ານ Gass ກ່າວ​ວ່າ ຍັງ​ມີ​ຍິງ​ສາວ​ອີກ​ກຸ່ມ​ນຶ່ງ ທີ່​ຕົກ​ຢູ່​ໃນ​ສະພາບ​ທີ່​ອ່ອນ​ແອ​ກ່ວາ.

​ທ່ານ Gass ​ເວົ້າວ່າ: “ສິ່ງ​ທີ່​ພວກເຮົາ​ພົບ​ເຫັນ​ ທີ່ໜ້າ​ເປັນ​ຫ່ວງ​ຫລາຍ​ຂື້ນ ແລະ​ອັນ​ຕະ
ລ​າຍ​ຫລາຍ​ຂື້ນ ກໍ​ແມ່ນພວກຍິງ​ສາວທີ່​ຮັບໃຫ້​ບໍລິການ​ທາງ​ເພດ​ເປັນ​ຄັ້ງ​ເປັນ​ຄາວ ແຕ່
ວ່າ ຢູ່​ໃນສະຖານ​ທີ່ ທີ່​ບໍ່ພິ​ຖີ​ພິ​ຖັນ. ກໍ​ຄື ພວກ​ທີ່​ໄປພົບ​ພໍ້​ກັບ​ລູກ​ຄ້າ​ຂອງເຂົາ​ເຈົ້າ ຢູ່​ຕາມ
ແຈ​ຖະ​ໜົນ​ຫລື​ຢູ່ບາ​ຕ່າງໆ ແລະ​ພວກ​ນີ້​ຫລາຍໆ​ຄົນ ຈະ​ເປັນ​ນັກ​ສຶກສາ​ມະຫາວິທະຍາ
ໄລ ຫລືພວກ​ຍິງ​ສາວ ທີ່ີ​ແທ້ໆ​ແລ້ວ ​ບໍ່​ມີຄວາມ​ຊຳນານ​ໃນ​ເລື້ອງ​ຊີວິດ ຫລື​ມີຄວາມ​ສາ
ມາດໃນ​ການ​ຕໍ່​ລອງ ເພື່ອ​ຮັບ​ປະ​ກັນ​ວ່າ ພວ​ກ​ຄູ່​ຮ່ວມເພດທີ່​ເຂົາ​ເຈົ້າ​ໃຊ້​ເວ​ລາ​ນຳ​ນັ້ນ
ພ​າ​ກັນໃຊ້​ຖົງ​ຢາງອະນາ​ໄມ.

ການ​ຄົ້ນ​ຄວ້າ ທີ່​ໄດ້​ຮັບ​ການ​ສະໜັບ ສະໜູນ​ຈາກອົງການ​ UNICEF ແມ່ນ​ໄດ້​ເກັບ​ກຳ​
ຂໍ້​ມູນ​ຈາກ​ຊາວ​ໜຸ່ມ​ເກືອ​ບ 2.000 ພັນຄົນ​ ໃນ​ປະ​ເທດ​ໄທ ຊຶ່ງເປັນ​ພວກ​ທີ່​ຮວມຢູ່​ໃນ​ບັນດາກຸ່ມທີ່​ມີຄວາມ​ສ່ຽງ​ສູງ ຕໍ່​ການ​ຖືກ​ເຜີຍ​ແບ​ໃສ່​ເຊື້ອ HIV.

​ເປັນ​ທີ່ຄາດ​ຄະ​ເນ​ກັນວ່າ ມີປະ​ມານ 500.000 ຄົນ ທີ່​ຕິດ​ເຊື້ອໄວ​ຣັ​ສ HIV ຢູ່​ໃນ​ປະ​ເທດ
​ໄທ. ໃນ​ຕອນ​ທີ່​ການລະ​ບາດຂອງ​ເຊື້ອ HIV ​ເຖິງ​ຈຸດ​ສູງ​ສຸດ​ນັ້ນ​ໂຣກ AIDS ​ແມ່ນ​ສາ​ເຫດ
​ອັນ​ດັບ​ນຶ່ງ​ຂອງ​ການເສຍ​ຊີວິດຢູ່ໃນ​ໄທ ແຕ່ໃນປັດ​ຈຸ​ບັນ​ນີ້ ແມ່ນຢູ່​ໃນອັນ​ດັບ​ຫ້າ ​ໂດຍ​
ເປັນ​ສາ​ເຫດ​ຂອງ​ສີ່​ເປີ​ເຊັນ ​ຂອງ​ການ​ເສຍ​ຊີ​ວິດ​ທັງ​ໝົດ ​ຢູ່​ໃນໄທ.

​ຕອນ​ທີ່ວິ​ກິ​ດ​ການ​ພະ​ຍາດ AIDS ຢູ່​ໃນ​ລະ​ດັບ​ສູງ​ສຸດ​ໃນ​ປະ​ເທດ​ໄທນັ້ນ ມີຫລາຍກວ່າ
100,000 ​ຄົນ ຕິດເຊື້ອ HIV ​ຊຶ່ງ​ເປັນ​ຊາວໜຸ່ມ​ ແລະ​ພວກ​ໃຊ້​ຢາ​ເສບ​ຕິດ ກ່ອນມັນຈະ
ຍ້າຍ​ເຂົ້າ​ໄປແຜ່​ລາມ​ໃນ​ໝູ່ປະ​ຊາ​ຊົນ​ທົ່ວໆ​ໄປ ຜ່ານ​ການຮ່ວມ​ເພດ ​ກັບພວກຄ້າ​ປະ​ເວ​ນີ

ການຕໍ່ສູ້ກັບ​ເຊື້ອ HIV ແລະ AIDS ຍັງ​ຄົງ​ເປັນ​ບັນ​ຫາ​ທ້າ​ທາຍ​ທີ່​ໃຫ​ຍ່​ຫລວງ ໃນ​ບາງ​
ປະ​ເທດເ​ພື່ອນ​ບ້ານ​ຂອງ​ໄທ ໂດຍ​ສະ​ເພາະ ມຽນ​ມາ ແລະ​ ຫວຽດ​ນາມ.

XS
SM
MD
LG