“I Like Rock’n Roll ” ນີ້ຖືວ່າເປັນຕົວແທນອັນແທ້ຈິງຂອງເພງ
ແນວຣ໊ອກນີ້ ຊຶ່ງເພງນີ້ ໄດ້ບັນລະຍາຍເຖິງຄວາມເປັນຄົນຮັກດົນຕີ
ແນວນີ້ ແບບນີ້ ຊຶ່ງສິນລະປິນລາວ-ການາດາ ທ່ານນີ້ ຖືວ່າເປັນ
ສິນລະປິນຜູ້ນຶ່ງ ທີ່ມີຄວາມສາມາດທັງຮ້ອງ ທັງຫຼິ້ນດົນຕີ ແລະ
ສຳຄັນຍິ່ງໄປກວ່ານັ້ນແມ່ນສາມາດ ແຕ່ງເພງ. ຫຼາຍໆທ່ານທີ່ຕິດ
ຕາມຮັບຟັງຜົນງານເພງຂອງຜູ້ກ່ຽວນີ້ ຄົງຈະເຮັດໃຫ້ຫຼາຍໆທ່ານ
ນຶກເຖິງຜົນງານເພງເກົ່າໆຂອງສິນລະປິນທ່ານນີ້ ເມື່ອຄັ້ງຈະທີ່ຍັງເປັນນັກຮ້ອງນຳ ແລະ
ຫົວໜ້າວົງ Exile ຊຶ່ງຜົນງານຂອງວົງ Exile ເຄີຍໄດ້ໂດງດັງໃນເມືອງໄທ ມາກ່ອນ. ມັກທີ່ສຸດ ໃນເພງນີ້ືກໍຄົງແມ່ນຄຳຮ້ອງສຸດທ້າຍ ທີ່ວ່າ “ມັກຫຼາຍເດີ້ ຣ໊ອກ ແອນ ໂຣ ນີ້ ກິນກັບລາບ ຄູ່ມື້ ກະໄລ້ເລີ້.
ສ່ວນຂໍ້ຄວາມຕ່າງໆທີ່ທ່ານຜູ້ຟັງຂຽນຝາກໄວ້ໃນ web site ບໍ່ວ່າຈະເປັນຂອງທ່ານ ຖະຫວັນ ແລະທ່ານເຟເດິຣິກ ຈາກ ລາວ ທີ່ຂຽນບອກມາຕ່າງໆນາໆ ກ່ຽວກັບເພງ ແນວ ຮິບ ຮ໊ອບ ມາເດີ້ ມາເດີ້ ວ່າ ມ່ວນ ແລະຂໍໃຫ້ກຸ່ມສິນລະປິນ ກຸ່ມນີ້ ໃຫ້ຕັ້ງໃຈແລະຂະຫຍັ່ນໝັ່ນພຽນ ສ້າງຜົນງານໃໝ່ອອກມາເລື້ອຍໆ ຂໍຈັດເພງ ຂອງຕ້ອມ ມໍເດີນແດນສ ຈາກຄ້າຍເພງ ອິນດີ ແທນຄຳຂອບໃຈ… ເຊີນຟັງເພງຄົນສອງໜ້າ ພ້ອມໆກັນເລີຍ
ຂໍອຳລາທ່ານຜູ້ຟັງດ້ວຍເພງມ່ວນໆ ຂອງຄ້າຍເພງຄຸນນະພາບຈາກສປປ ລາວ ກຸ່ມສິນ
ລະປິນ ເມກາ ແບນ ໃນບົດເພງ ຫຼົງ. ພົບກັນໃໝ່ໃນສັບປະດາໜ້ານອນຫຼັບຝັນຫວານ. ສັບປະດາໜ້າ ວັນນະສອນຈະນຳເພງມາຝາກທ່ານຜູ້ຟັງ.
