ພວກຊົນກຸ່ມນ້ອຍ Montagnard ຢ່າງໜ້ອຍ 14 ຄົນ ຈາກ
ຫວຽດນາມ ທີ່ພວມຊອກສະແຫວງຫາການຂໍລີ້ໄພ ຍັງສືບຕໍ່
ຫຼົບລີ້ ພວກເຈົ້າໜ້າທີ່ ຢູ່ໃນປ່າທາງພາກຕາເວັນອອກຂອງ
ກຳປູເຈຍ ສອງມື້ຫລັງຈາກອີກເຈັດຄົນໄດ້ຖືກບັງຄັບໃຫ້ກັບ
ຄືນປະເທດ.
ຫົວໜ້າຕຳຫຼວດແຂວງ Ratanakkiri ທ່ານ Nguon Koeun
ກ່າວວ່າ ຕຳຫລວດຊາຍແດນ ໄດ້ຈັບເຈັດຄົນ ແລະມອບຄືນ
ໃຫ້ແກ່ ເຈົ້າໜ້າທີ່ຫວຽດນາມ ໃນວັນເສົາທີ່ຜ່ານມາ.
ທ່ານ Chhay Thy ກຸ່ມປ້ອງກັນສິດທິມະນຸດໃນແຂວງ Rata-
nakkiri ໄດ້ໃຫ້ການຢືນຢັນ ກ່ຽວກັບຂ່າວດັ່ງກ່າວ ຕໍ່ວີໂອເອ ພະແນກພາສາຫວຽດນາມ.
ທ່ານກ່າວວ່າ “ອ້າງອີງຕາມ ຜູ້ບັນຊາການຕຳຫລວດແຫ່ງຊາດແລ້ວ ຊາວ Montagnard
ຫວຽດນາມ ເຈັດຄົນ ຮວມທັງຜູ້ຍິງຄົນນຶ່ງ ໄດ້ຖືກຈັບໃນເດືອນມັງກອນທີ 25 ອີງຕາມພື້ນ
ຖານ ທີ່ເຂົາເຈົ້າໄດ້ເຂົ້າເມືອງຜິດກົດໝາຍ."
ທ່ານ Thy ກ່າວວ່າ 14 ຄົນຍັງຊອກຫາບໍ່ພໍ້ ແມ່ນກຳລັງໄດ້ຮັບຄວາມທໍລະ ມານຈາກອາ
ກາດໜາວ ໃນຂະນະທີ່ພະຍາຍາມຫລີກລ້ຽງການຈັບກຸມ ແລະຖືກສົ່ງກັບຄືນປະເທດ.
ມີການອ້າງຄຳເວົ້າຂອງ ທ່ານນາງ Wan-Hea Lee ຫົວໜ້າຫ້ອງການຂ້າຫລວງໃຫຍ່
ສະຫະປະຊາຊາດດ້ານສິດທິມະນຸດ ປະຈຳກຳປູເຈຍ ທີ່ກ່າວວ່າ ເຈັດຄົນທີ່ຖືກສົ່ງກັບ
ຄືນປະເທດ ໃນວັນເສົານັ້ນ ແມ່ນໄດ້ຖືກສົ່ງໄປກ່ອນໜ້າຫ້ອງການຂອງທ່ານນາງສາມາດ
ຕິດຕໍ່ຫາເຂົາເຈົ້າໄດ້. ໃນເດືອນແລ້ວນີ້ ຫ້ອງ ການຂ້າຫລວງໃຫຍ່ສະຫະປະຊາຊາດດ້ານ
ສິດທິມະນຸດ ໄດ້ສະແດງຄວາມເປັນຫ່ວງ ຕໍ່ສິດທິຂອງຊາວ Montagnard ໃນຊອກຫາ
ບ່ອນລີ້ໄພຂອງເຂົາເຈົ້ານັ້ນຈະບໍ່ໄດ້ຮັບການເອົາຫົວຊາ.
ຊາວ Montagnards ຜູ້ທີ່ກ່າວອ້າງວ່າ ການຫລົບໜີຂອງພວກເຂົາເຈົ້າຍ້ອນ ມີການ
ປະຫັດປະຫານທາງສາສະໜາ ແລະທາງການເມືອງ ຢູ່ໃນຫວຽດນາມ ທີ່ໄດ້ກໍ່ໃຫ້ເກີດ
ຄວາມເຄັ່ງຕຶງດ້ານການເມືອງ ໃນໄລຍະຜ່ານມາ.
ໃນປີ 2000 ແລະ 2001 ຫລາຍພັນຄົນ ທີ່ໄດ້ພາກັນຫລົບໜີເຂົ້າໄປໃນກຳປູເຈຍ.
ຫລາຍໆຄົນໄດ້ຖືກຈັບ ແລະສົ່ງກັບຄືນໄປຫວຽດນາມ ເຖິງແມ່ນວ່າ ຈຳ ນວນນຶ່ງໄດ້ຮັບ
ອະນຸຍາດໃຫ້ມາລີ້ໄພຢູ່ໃນສະຫະລັດ ແລະບັນດາປະເທດຕາເວັນຕົກອຶ່ນໆກໍຕາມ.
